Битолски Весник Весник што се чита и прераскажува 60 години со читателите
Матичниот клуб на прерано починатата македонска ракометна легенда Борис Чурлевски, Ракометниот клуб Пелистер, денеска во малата сала на „Центарот за култура„ одржа комеморација во која го одбележа ликот и делото на големиот спортист.
На комеморацијата присуствуваше и градоначалникот на Битола, Владимир Талески.
Миленикот на битолската ракометна публика е дел од спортското семејство Чурлевски, кое цел живот го посвети на ракометот.
На комеморацијата говореа битолските новинари, доајенот Димче Миновски, бившите соиграчи на Чурлевски, а во името на РФМ се обрати Јован Василев.
Чурлевски беше погребан денеска на градските гробишта во Битола.
Б.В.
