Home / Вести / Петиција за оставка на членовите на ДИК

Петиција за оставка на членовите на ДИК

Над 1000 лица ја потпишале онлајн петицијата за оставка на ДИК, односно на деветте членови на Државната изборна комисија, заради неетичко однесување и кршење на „Принципите за работа“ објавени на веб страницата на ДИК.

Покрај останатото, во ,,Принципите за работа,, објавени на страницата на ДИК, наведено е и следното – „Постојано вршиме само-евалуирање, затоа што сакаме постојано да ја унапредуваме нашата работа и секој нареден изборен циклус да биде подобар од претходниот. Притоа ја зголемуваме ефикасноста, ја спроведуваме работата со помалку напор, и ја зголемуваме ефективноста со што ги намалуваме трошоците за својата работа.“

-Платата на членовите на Државната изборна комисија (ДИК) се движи помеѓу 60.000 и 70.000 денари. Во изминатите 18 месеци, во три наврати, си доделиле вкупно 12 надоместоци и воопшто не ја информирале јавноста за тоа. Амбасадорот на САД го посочи ДИК како пример за корумпирана институција и нетранспарентно работење.

Државната изборна комисија има 9 членови (три од владеачкото мнозинство, три од опозицијата и три членови со заеднички договор на позиција и опозиција) – појаснето е во петицијата, каде се обjaвени и имињата на членовите, кои се во центарот на вниманието на јавноста изминативе неколку денови.

На социјалните мрежи веќе се појави и документ со кој наводно ДИК и се извинува на јавноста и дава оставка поради морални причини. Сепак, станува збор само за нечија шега, бидејќи досега никој од комисијата не најави дека размислува да си поднесе оставка од функцијата.

Leave a Reply

Your email address will not be published. Required fields are marked *

*

error: Content is protected !!