Home / Uncategorized / Битолски весник сведок и хроничар на Битола

Битолски весник сведок и хроничар на Битола

Во Фоајето на битолскиот Центар за култура, а во организација на АД ЕЛЕМ, Подружница РЕК Битола и редакцијата на „Битолски весник“ е отворена изложба на тема „Од камен темелник до ТЕ Битола-3“ со што се  одбележува  јубилејот – 30 години од денот на пуштањето во употреба на Блок-3 на комбинатот.

Изложбата ја сочинуваат 108 страници на “Битолски весник” на кои во периодот од 1976 година до 1984 година, еднаш неделно во посебен подлисток, биле објавувани сите информации поврзани со изградбата и пуштањето во употреба на РЕК Битола.

– Оваа изложба е потврда на фактот дека РЕК Битола е столб на македонската енергетика и столб на македонската економија. Тоа што на изложбата може да се види и прочита за нас претставува дополнителен поттик за поинтензивно да се одвиваат новите инвестиции во РЕК Битола, рече меѓу другото Драган Миновски, генерален директор на АД Електрани на Македонија.

Според директорот на РЕК Битола Васко Ковачевски, изложбата на „Битолски весник“ значи сведоштво за тоа како во изминатите децении, растел и работел комбинатот.

– Ова е историја на РЕК Битола, но и историја на градот Битола. РЕК Битола и АД ЕЛЕМ и понатаму ќе бидат партнери на заедницата, пред се од економско социјалниот аспект, а со заедничка меѓуинституционална соработка ќе можеме да помогнеме во развојот на Битола и регионот, посочи Ковачевски.

На промотивниот настан во Битола беше најавено дека наскоро во „Битолски весник“ еднаш месечно ќе биде објавуван подлисток посветен на работата на АД ЕЛЕМ и РЕК Битола.

– Со оваа изложба „Битолски весник“ се потврдува како најголем хроничар на градот, а в година ќе одбележи 55 години од денот на основањето на единствениот локален печатен медиум кој опстојува без прекин, а со соработката со РЕК Битола ќе се подобри иднината на весникот за никогаш да не згасне, посочи директорот на Битолски весник Менде Младеновски, кој во договор со првите луге на АД ЕЛЕМ и РЕК Битола разговараше за дигитализација не само на прилозите за РЕК Битола туку и сите укоричени весници на Битолски весник од 1964 година до денес.

 

Leave a Reply

Your email address will not be published. Required fields are marked *

*

error: Content is protected !!