Home / Култура / Клаудија Кардинале на Манаки во Битола

Клаудија Кардинале на Манаки во Битола

На годинашното издание на фестивалот на филмската камера „Браќа Манаки“ во Битола како специјална гостинка ќе гостува легендарната италијанската и светска актерка, филмската дива Клаудија Кардинале, која е прогласена за лауреат на специјалната награда „Златна камера 300”.

Ова високо признание кое и е доделено за особен придонес во светската филмска уметност, беше соопштено денеска на прес-коференцијата во Битола.

-Лично се ангажирав на Фестивалот да донесам едно значајно име од филмската уметност, Клаудија Кардинале, филмска дива која сѐ уште е активна и со успех се појавува и во поновите европски и холивудски филмови, актерка на која Фестивалот во Кан во 2016 година ѝ оддаде почит ставајќи го нејзиниот лик и става на фестивалскиот плакат, рече Гена Теодосиевска, директорка на „Браќа Манаки”.

Според зборовите на Теодосиевска, Кардинале, која има 80 години соработувала со едни од најзначајните режисери и актери во светот Федерико Фелини, Лукино Висконти, Блејк Едвардс, Жан Пол Белмондо, Ален Делон, Серџо Леоне, Чарлс Бронсон, Хенри Фонда и многу други, со улоги во филмовите „8 1/2”, „Роко и неговите браќа”, „Леопард”, „Девојката со куферот”, „Фицкаралдо”. Има снимено над 140 филмови и уште е активна.

Инаку фестивалот „Браќа Манаки“ годинава ќе се одржи од 22 до 29 септември во Битола.

Leave a Reply

Your email address will not be published. Required fields are marked *

*

error: Content is protected !!