Home / Вести / МВР проценува колку боди гардови треба да има Груевски

МВР проценува колку боди гардови треба да има Груевски

МВР се уште без одлука за дополнителното обезбедување кое го побара Никола Груевски.
Спасовски смета дека старите законски одредби со кои поранешните функционери добивале по тројца обезбедувачи на 1 година се поадекватни од актуелните со кои тие добиваат по 6 телохранители онолку долго колку што биле на функција.
„Сето тоа го анализираат управата за безбедност и бирото за јавна безбедност и врз основа на тие сознанија и пријавите дадени до МВР ќе дадат до мене известување и јас ќе донесам одлука. Мојот личен став е дека нема дополнителна потреба од телоххранители.“ – изјави Спасовски – министер за внатрешни работи.
Поранешниот директор на УБК, Сашо Мијалков и поранешниот директор на БЈБ, Митко Чавков со решение на министерот добиле дополнително обезбедување. Управата за безбедност и контраразузнавање проценила дека за двајцата поранешни функционери во МВР потребни се зголемени мерки за безбедност, а ќе бидат на сила се додека има потреба. Министерот не одговори: од кого и какви закани имаат поранешните директори, но рече дека нема да дозволи МВР да се претвори во приватна агенција за обезбедување.

Leave a Reply

Your email address will not be published. Required fields are marked *

*

error: Content is protected !!